"Заманауи мектепке дейінгі тәрбие мен оқыту: үрдістер, мәселелері, келешегі" форумы өтті

24 наурызда Щучинск қаласындағы жоғары педагогикалық колледжінде мектепке дейінгі тәрбие мен оқыту жүйесінің педагогтері үшін "Заманауи мектепке дейінгі тәрбие мен оқыту: үрдістер, мәселелері, келешегі" форумы өтті.

Форум жұмысына Ақмола облысы білім басқармасының басшысы Бейбіт Жүсіпов қатысты.

Ақмола облысы білім басқармасының облыстық оқу-әдістемелік кабинеті ұйымдастырған шараға аудандық, қалалық білім бөлімдерінің әдіскерлері, мектепке дейінгі ұйымдардың меңгерушілері, әдіскерлері мен педагогтері, Ш.Уәлиханов атындағы Көкшетау университетінің, колледждердің, біліктілікті арттыру институтының мамандары шақырылды. Барлығы 70-тен астам адам оффлайн қатысып, онлайн режимде 400 адам тамашалай алды.

Форум 2 кезеңде өтті: секциялар жұмысы және пленарлық отырыс. Бірінші бөлімде "Мектепке дейінгі тәрбие мен оқытуды ғылыми негіздеу және қолдау", "Сапа өлшемшарттары және менеджмент", "Ойын - баланың негізгі әрекеті және дамытудың негізгі құралы", "Мектепке дейінгі білім беру педагогтерінің кәсіби және тұлғалық өсуі" тақырыптары бойынша бірнеше секция ұйымдастырылды.

«Мектепке дейінгі тәрбие беру педагогтарының кәсіби және тұлғалық өсуі» атты 4-секцияда No4 «Арман» балабақшасының әдіскері Наталья Юрьевна Третяк өз баяндамасын жасады. Секция жұмысына Степногорск қаласынан «Еркетай» мәдениет үйінің әдіскері Помогаева Татьяна Валерьевна мен «Нұршуақ» мекемесі басшысының міндетін атқарушы Әбішева Ботагөз Нұрлыбайқызы да қатысты.